Ҳулкар Абдуллаевадан тез кунда янги видеоклип

Хушовоз хонанда Ҳулкар Абдуллева мухлисларининг талаб ва истакларига биноан "Дард" таронаси учун видеоклип суратга олдирди. Маълумки, бу қўшиқ унинг яккахон концерт дастурида ижро қилинган ва концертнинг ўзидаёқ томошабинлар қалбидан муносиб жой эгаллаган. Бугунга қадар тарона халқимиз севиб тинглайдиган қўшиқлар қаторида эканлиги ҳам сир эмас. Яқин кунларда намойиш қилинадиган видеоклипи ҳам мухлисларни бефарқ қолдирмаслигига шубҳамиз йўқ. Видеоклип трек ва сюжетдан иборат. Клип режиссёри ёш ва иқтидорли ижодкор Жамшид Исахажаев.
Эслатиб ўтамиз, Ҳулкар Абдуллаева ижросидаги "Дард" қўшиғи Рислиғой Ҳотамова сўзи, Фарруҳ Соҳиб мусиқаси ва Фурқат Бобожонов аранжировкаси билан яратилган.