“Музлаган” фильмининг премьераси бўлиб ўтди

15 март куни Алишер Навоий номидаги ккиносаройида Алишер Узоқовнинг орзиқиб кутилган “Музлаган” деб номланган картинасининг премьераси бўлиб ўтди. Фильмнинг премьерасига ижодий жамоа билан бирга, кўплаб актёрлар, актрисалар, сўз усталари ва ашаддий мухлислар иштирок этишди. Тақдимотни Шох Алимович олиб борди.

Фильмда бош ролларни Алишер Узоқов, Бобур Йўлдошев, Умид Ҳамдамов ва Расул Каримов ижро қилган бўлса, Назокат Нарзиева, Ситора Фармонова, Феруза Норматова, Турғун Бекназаров, Сайфиддин Мелиев ва бир қатор актёр ҳамда актрисалар ҳам такрорланмас образларни яратишган. Фильмда тўрт дўстнинг ҳаётидан ҳикоя қилинади. Алишер Узоқовдан янги фильмни кутган халқимиз учун, кутилганига арзийдиган кинокартина бўлган десак янглишмаймиз.

“Музлаган” фильмининг кадр орти ижодкорларига тўхталадиган бўлсак, постановкачи режиссёр, сценарий муаллифи Алишер Узоқов. Тасвирчи Иззатилла Лутфуллаев. Режиссёр Гўзал Юсупова. Либослар бўйича рассом Севара Зуннунова, монтаж режиссёри Муҳибулло Убайдулллаев.  Бастакор Фаррух Собиров.

Фильм ижодкорларини мувофаққиятли кинотақдимот билан табриклаймиз.