Баҳром Назаров “Ҳижрон” қўшиғини тақдим қилди

Хушовоз хонанда Баҳром Назаров мухлислари эътиборига янги қўшиғини ҳавола қилди. Юртимизнинг етакчи радиотўлқинлари узра жаранг сочган тарона “Ҳижрон” деб номланади. Бу композиция илк бор хонанданинг “Интизор” номли яккахон концерт дастурида ижро этилган эди. Дастурнинг ўзидаёқ тингловчиларини топиб улгурган ушбу мунгли ва сокин мусиқий асарга тез кунда видеоклип суратга олиш ишлари бошлаб юборилади. Қўшиқ Хушнуд Дарвеш сўзи, Семир Жефаров мусиқаси ва Фурқат Бобожонов аранжировкаси билан яратилган. Ўйлаймизки, тарона халқимизга ёқади ва улар қалбидан муносиб ўрин эгаллайди.