Шарқ гуруҳидан янги қўшиқ “Айтаман”

Апрель ойида бўлиб ўтадиган яккахон концерт дастурига тайёргарлик кўраётган Шарқ гуруҳининг янги “Айтаман” номли қўшиғи етакчи радиотўлқинлар узра жаранг сочди. Жонли ижродаги дастурдан муносиб ўрин олиши кутилаётган бу мусиқий асар премьера жараёнининг ўзидаёқ тингловчилар диққатини тортди. Композицияга мухлислар томонидан ижобий фикрлар билдирилди. Бу эса гуруҳнинг янги таронаси халқимиз орасида қисқа фурсатда оммалашишидан дарак беради.

Қўшиқ муаллифларига тўхталадиган бўлсак, сўзи ва мусиқаси Карен Гафуржанов тмоонидан ёзилган. Композицияга Денис Беляев мусиқий безак берган.