OAZIS гуруҳининг навбатдаги қўшиғи сирлари ошкор этилди

Бир неча кун олдин OAZIS гуруҳи қувноқ тарона устида иш олиб бораётгани ҳақида маълум қилган эдик. Ижодкорлар ушбу қўшиқнинг маълумотларини ошкор қилишди. Гуруҳ продюсери Абдуҳамид Халиловнинг сўзларига қараганда, композиция "Не бўлар" деб номланади. Таронанинг сўзи ва мусиқаси Жамшид Шодиевга тегишли. Жамшид Гаффаров томонидан эса қойилмақом қилиб қўшиққа сайқал берилди. Мусиқий асар тайёр. Яқин кунларда премьера. Кузатишда давом этинг.