Сарвар яна ижодга қайтди

Бундан бир неча йил олдин Шохрух репер билан куйлаган дуэтлари орқали таниш бўлган Сарвар орадан деярли 10 йил ўтиб яна ижод оламига қайтди. Март ойида бўлиб ўтган Шохрухнинг яккахон концерт дастуридаги иштироки билан саҳнага қайтган Сарвар янги қўшиғини юртимизнинг етакчи радиотўлқинлари орқали премьера қилди. "Лейла" деб номланган тарона ёш ижодкорнинг мухлисларига манзур келди деб ўйлаймиз. Бобур Умаров муаллифлигидаги бу қўшиққа видеоклип суратга олиш ҳам режалаштирилган.