Умидахон тез кунда “Йўлимдан қоч” клипини тақдим этади

Истеъдодли, шаддод хонанда Умидахоннинг  “Йўлимдан қоч” номли қўшиғи яқиндагина халқимиз ҳукмига ҳавола қилинган бўлса-да қисқа фурсатда кўпгина мухлисларнинг юрагидан жой олди. Бундан илҳомланган хонанда, ўз мухлисларини кўп куттирмай, дарҳол қўшиқ учун видеоклип тасвирга олдирди.

Сарвар Исаев режиссёрлигида суратга туширилган клипнинг тасвирчиси Иззат Лутфуллаев. Умидахон мазкур клипда бутунлай ўзгача образларда гавдаланадиганга ўхшайди. Суратга олиш майдончасидан тақдим этилган фотосуратлардан ҳам буни яққол кўриш мумкин.

Хонанданинг либослари устида Сарвар Исаев ва Гулчеҳра Юнусова ишлаган. Стилист Ирода. Тез кунда тақдим этилиши режалаштирилган бу ижод маҳсули оммага хуш ёқади деб умид қиламиз ва премьерани кутиб қоламиз.