Лола навбатдаги клипининг премьерасини мухлислар белгилаган санада ўтказадиган бўлди

Эстрадамиз юлдузи, латофатли Лола куни кеча инстаграм ижтимоий тармоғи орқали “Хабар ол” клипининг монтаж ишлари якунланганлиги ҳақида хабар берди. Шу билан бирга у мазкур видеоклипнинг премьера қилинадиган санасини мухлислар билан бирга белгилашга киришди.

"“Хабар ол” клипининг монтаж ишлари якунланди. Уни қарши олишга тайёрмисиз? Келинг, премьера кунини белгилаймиз" - дея кузатувчиларига мурожаат қилди.  Хонандани кузатиб бораётган мухлисларнинг аксарияти ушбу премьерани 9-сентябрда амалга оширишни таклиф қилди.

Лола уларнинг таклифидан келиб чиқиб, “Хабар ол” таронаси учун ишланган клипни айнан мухлислар белгилаган санада ўтказишини маълум қилди. Демак, премьера яқин. Хонанда айтиб ўтганидек, сиз уни қарши олишга тайёрмисиз?