Улуғбек Раҳматуллаевнинг концерти кунлари маълум бўлди

Эстрада юлдузи, элимиз ардоғидаги хонанда Улуғбек Раҳматуллаев мухлисларини кутилмаган туҳфалари билан хушнуд этишда давом этади. Яқиндагина у  “Табиб” клипини намойиш этиб, кўплаб олқишларга сазовар бўлган эди. Ҳар бир қўшиғи хит даражасига кўтарилиб, халқимизга манзур келаётган хонанданинг жорий йилда бўлиб ўтадиган яккахон концерт дастурининг кунлари маълум бўлди.

Ҳар йилги анъанага содиқ қолиб, бу йил ҳам яккахон концертини тақдим этишга бел боғлаган хонанданинг мазкур дастури ноябрь ойининг 9, 10, 11, 12, 13- кунлари “Истиқлол” санъат саройида бўлиб ўтади. “Қирмизи олма” деб номланган бу дастур кутилмаган туҳфаларга бой бўлиши кутилмоқда. Бу ҳақида албатта кейинги янгиликларимизда батафсил маълумотларни бериб ўтамиз.