“Ёшлар ҳафталиги” ёш киноижодкорларнинг қисқа метражли фильмлари фестивалининг тақдирлаш маросими билан якунланди

Мазкур фестивалда Pеспубликамиз бўйича турли ҳудудларда истиқомат қилувчи ёш ва ҳаваскор киноижодкорлардан 55 та ариза келиб тушган. Улар ичидан 20 таси фестивалнинг асосий дастурида томошабинларга намойиш этилди.

 

Кинофестивал давомида “Қисқа метражли фильм – ёш киноижодкорлар учун маҳорат мактаби” мавзусида давра суҳбати, махсус эффектлардан фойдаланиш, 3D технологияси асосида фильмлар суратга олш бўйича хорижлик мутахассислар иштирокида тақдимотлар ва кўплаб тадбирлар ўтказилди. Фестивалда топширилган ижодий ишлар “Энг яхши қисқа метражли бадиий фильм” учун бош соврин, “Энг яхши сценарий”, “Энг яхши режиссёрлик иши”, “Энг яхши операторлик иши” номинациялари  ҳамда “Болалар мавзусидаги энг яхши сценарий”, “Болалар мавзусидаги энг яхши режиссёрлик иши”, “Болалар мавзусидаги энг яхши операторлик иши” каби номинациялар бўйича кўриб чиқиб тақдирландилар.

Шундай қилиб, бир ҳафта давом этган “Ёшлар ҳафталиги” якунланди.