Али Отажонов ҳаммани рақсга чорлайди

Эстрада оламида тиним билмай ижод қилаётган хонанда ва актёр Али Отажонов бугун мухлисларини янги видеоклипи билан хушнуд этади. Видеоклип ёшларбоп ва хазиломуз тарзда яратилган “Рақсга туш” номли  таронасига ишланган бўлиб, мазкур қўшиқнинг сўзи ва мусиқаси муаллифи Якзон. Малайзия ва пойтахтимизнинг сўлим гўшаларида суратга олинган бўлиб, унга Дурдона Тўлаганова режиссёрлик қилган.

 

Клип мавзуси эса бугунги кундаги ёшларнинг энг қиззиққан ва эътиборини қаратган инстаграм тармоғи ҳақида. Алининг ўзи ҳам мазкур интернет тармоғида фаол экани унинг мухлисларига маълум. Айтганча, клипда эстрадамизнинг энг ёрқин вакилларини кўришингиз мумкин. Кутилмаган ва ноанъанавий тарзда яратилган видеоклип  халқимизга манзур келиши аниқ. Марҳамат тингланг ва баҳо беринг.