Ёш умидли хонанда Шерзод Эргашевдан "Майда майда" тарона ва клип премьераси
Эстрада оламига илк қадамларини қўяётган умидли хонанда Шерзод Эргашевнинг санъатга бўлган қизиқиши, иҳлоси асли оиладан бошланган. Устазода созандалардан бўлган Баҳром Эргашевнинг фарзанди болалигиданоқ қўшиқ куйлашга интилган экан.Бугун “Ўзбегим таронаси” радиосида ижодкорнинг илк ижоди “Майда-майда” номли қўшиқ премьераси бўлиб ўтди. Мазкур тарона яратилишида шоир Тоҳир Муҳаммад шеъридан фойдаланган хонанда мусиқани ўзи басталаган, аранжировка ишларини эса Илҳом Маматов амалга оширган.
“Майда-майда” номли илк бора жаранг сочган ва тингловчилар томонидан илиқ кутиб олинган тарона учун ҲабибуллоНабиев режиссёрлигида видеоклип суратга олинди. Ажойиб сюжетни ўз ичига олган клип жараёнларида Comedy.uz резидентлари Ҳасан ва Ҳусан иштирок этишган.
Сайтимиз орқали мазкур видеомаҳсулотни томоша қилинг ва янги овоз, янги хонанданинг ижодига баҳо беринг.