Тез кунда Ўлмас Оллобергановдан янги клип тарона

Шоу-бизнес вакиллари томонидан яратилаётган янги қўшиқлар ва суратга олинаётган видеоклиплар ҳақида тезкор хабарларимизни кузатиб бораётган бўлсангиз, сизга маълумки, соҳировоз хонанда Ўлмас Оллоберганов ўзининг янги таронасини мухлисларига туҳфа этганига кўп вақт бўлмади.Хонанданинг бизга берган маълумотига кўра “Онам” номли дардли тарона учун режиссёр Шуҳрат Мавлонов томонидан видеоклип тасвирга олиш ишлари бошлаб юборилибди. 

 

Қўшиқ маъносидан келиб чиққан ҳолда сюжет жанрида яратилаётган мазкур клипда бош ролни таниқли актриса Гулчеҳра Жамилова ижро этмоқда. Видеоклип суратга олиш жараёнида Шоира Таджиханова раҳбарлигидаги “Хумо” скрипкачилар оркестр жамоаси ҳам иштрок этишган.

Қўшиқ муаллифларига тўхталадиган бўлсак, таронанинг матни Нодир Азимов қаламига мансуб бўлиб, мусиқаси хонанданинг доимий ҳамкори Иқбол Муҳаммаджоновга тегишли.  Аранжировкасини эса Жасур Бадалбоев амалга оширган.

 

Янги клип премьерасига қадар эътиборингизга суратга олиш майдонидан фоторепортажни тақдим этамиз.