Элёрдан илк тарона ва клип премьераси

Санъат оламига катта умидлар ва халқ эътиборига тушишдек аниқ мақсадга эга ёш хонанда Элёр бугун ўзининг илк ижод намунасини тақдим этмоқда.

“Ўзбегим Таронаси” радиоси орқали Элёр ижросидаги “Нега, нега?” номли тарона премьера қилинган бўлса, сайтимиз орқали мазкур қўшиққа ишланган видеоклип тақдим этилмоқда. 

Аввал тарона муаллифлари ҳақида маълумот берсак. “Нега, нега?” дея номланган қўшиқнинг сўзи Дилфуз қаламига мансуб, мусиқасини Рустам Худойбердиев басталаган. Аранжировкаси Муҳаммадшерзод Мақсудовга тегишли. 

Видеоклип ёшларбоп мавзуда, унда севги-муҳаббат гўзал тарзда тараннум этилган. Клип режиссёри Тимур Примқулов меҳнатига сиз ҳам баҳо беришингиз мумкин.

Видеода бош қаҳрамон образини Элёрнинг ўзи ижро этган. Демак, унинг актёрлик қобилиятига ҳам баҳо бериш мумкин бўлади.