Манзура ва Бунёдбек Саидов бир-биридан безор
Эстрадамизда бир неча йиллардан буён ижод қилиб келаётган ижодкорлардан Бунёдбек Саидов ва латофатли хонандаларимиздан бири Манзура ижросидаги дуэт шов-шувларга сабаб бўлса, ажаб эмас.
Сўнгги вақтларда шоу-бизнесда катта шов-шувларга сабаб бўладиган ва мухлислар дилидан тезда жой оладиган дуэтлар сони бироз камайгани ҳеч кимга сир эмас.
Манзура ва Бунёдбек Саидов томонидан яратилган “Дастингдан” қўшиғи эса аксинча, кўплаб мухлислар талабига сабаб бўлиб, мусиқий жавонидан жой олишига умид қилиш мумкин.
Сабаби таронанинг дилга яқинлигидадир. Муҳаббат можароси ҳақидаги мазкур дуэтни тайёрлашда Жасур Бадалбоевнинг хизмати катта. Жўшқин руҳдаги аранжировка қўшиқнинг таъсирчанлигини оширган.
Мазкур таронага ишланган видеоклип ҳам қўшиқ билан параллель равишда эътиборингизга ҳавола этилмоқда.
Клип учун тайёрланган махсус декорацияни ҳамда хонандаларнинг имиджини алоҳида таърифлаш зарур.
Айниқса Манзура бу кўринишда ҳеч қайси клипида намоён бўлмаганди.
Санжар Маткаримов режиссёрлигида ва Жаҳонгир Ибрагимов операторлигида тасвирга олинган видеоклипни томоша қилиб, унга муносиб баҳо беринг!