Райҳон “Намасте” қўшиғи ва клипининг тақдимотини ўтказди

Ўзбекистонда хизмат кўрсатган артист Райҳоннинг барчани қизиқтириб қўйган янги қўшиғи юртимизнинг етакчи радиотўлқинлари узра жаранг сочди. Тингловчилар томонидан илиқ қарши олинган тарона Якзон билан ҳамкорликда яратилган бўлиб, қўшиқнинг аранжировкасини Жасур Бадалбоев амалга оширган.  Бу композиция учун Ҳиндистонда видеоклип тасвирга олинган. Клип режиссёри Нозим Жумаев. Хонанда мазкур клип тақдимотини ҳам ўтказди. Пойтахтимизда жойлашган сўлим гўшалардан бирида бўлиб ўтган тақдимот маросимида хонанданинг яқинлари, дўстлари, мухлислари ва ОАВ вакиллари иштирок этишди.