Шоҳруҳ Мирзо ва Дилсўз дуэтига ишланган клип премьераси
Ёш хонанда Шоҳруҳ Мирзо ва Дилсўз томонидан ижро этилган дуэт шоу-бизнесда ижтимоий тармоқлар орқали бир қатор шов-шувларга сабаб бўлди.
Дилсўзнинг мухлислари учун ҳам кутилмаган туҳфа сифатида тақдим этилган дуэт тарона "Мана яна" деб номланиб, бир неча кун олдин "Ўзбегим Таронаси" радиоси орқали премьера қилинганди.
Тингловчиларнинг мақтовларига сазовор бўла олган тарона учун клип ҳам суратга олингани ҳақида хабар бергандик. Бугун ана шу видеони эътиборингизга ҳавола этамиз.
Аслида Хоразм аҳлига маълум ва машҳур бўлган Шоҳруҳ Мирзо бугунги кунда Тошкент шаҳрида ижодини давом эттириб, мухлисларининг сонини янада оширишга ҳаракат қилмоқда.
Ана шундай интилиш самарасида яратилган дуэт тарона Элдор Қаюмов ва Жасур Бадалбоев ҳамкорлигида тайёрланди. Бу қўшиқ учун клип эса Дилмурод Агзамов бошчилигида тасвирга олинди.
Ўзига хос қизиқарли сюжет ва трек йўналишида тайёрланган видеоклипда Дилсўз ва Шоҳруҳ Мирзо ёшларбоп ва замонавий кўринишлари билан мухлислар эътиборини торта оладилар.
Хозирнинг ўзида сайтимиз орқали Дилсўз ва Шоҳруҳ Мирзо ижросидаги "Мана яна" дея номланган дуэтга ишланган мазкур клипни томоша қилиб, ижодкорлар меҳнатига баҳо беринг!