Шаҳло Аҳмедова Дэвид Гетта билан ҳамкорлик қилди

Истеъдодли хонанда Шаҳло Аҳмедова мухлислари билан сўнгги ижодий янгиликларини бўлишди. У тез кунларда Дэвид Гетта билан ҳамкорлидаги ижод намунасини тақдим этмоқчи.

“Дўстлар! Дэвид Гетта билан биргаликда трекимиз тез орада чиқади! Мен учун бу ҳақиқаттан ҳам ҳаяжонли ва муҳим воқеа. Нафақат афсонавий санъаткор билан ҳамкорлик қилиш, балки ўз мамлакатингизни бутун дунё олдида намойиш этиш имкониятини қўлга киритиш катта шарафдир. Бу менинг иккинчи имкониятим эканидан хурсандман ва азиз мухлисларим умидларини оқлаш учун қўлимдан келганича ҳаракат қиламан. Умид қиламизки, сиз бизнинг ижод маҳсулимизни илиқ кутиб оласиз!”- дейди хонанда берган маълумотида. Демак, тез кунда кутамиз ва Шаҳло Аҳмедовага омад тилаб қоламиз.