Улуғбек Раҳматуллаев сирли совғасини ошкор қилди

Ўзбекистонда хизмат кўрсатган артист Улуғбек Раҳматуллаев куни кеча янги лойиҳа ҳақида маълум қилгани ҳақида хабар берган эдик. Кун сўнггига бориб хонанда ушбу лойиҳа сирларини ошкор қилди. Хонанда янги "Севиб қолдимда" номли таронаси учун видеоклип тасвирга олдирди. Бу шўх қўшиқ унинг яккахон концерт дастурида илк бор ижро қилинган.

Улуғбек Раҳматуллаевнинг ушбу композиция учун суратга олдирган клипи комедия жанрида. Уни "Бемор" клипининг мантиқий давоми деса ҳам бўлади. Унда бош роллардан бирини хонанда билан бирга ажойию актёр Рихситилла Абдуллаев ижро қилди. Уларнинг клипдаги образлари ҳам томошабинларни лол қолдирса ажаб эмас.