Шоҳруҳхоннинг романтик қўшиғига клип суратга туширилди
Эстрадамизнинг романтик ва камтар вакилларидан бири Шоҳруҳхон куни кеча ўзининг яна бир таронасига видео суратга туширди.
Кўплаб мухлисларнинг талабларига сабаб бўлган, қолаверса, романтик руҳда бўлганлиги туфайли, айниқса қалбида муҳаббат туйғуси бўлган ошиқлар учун рамзий қўшиққа айланган “Мен сени севаман” таронаси учун суратга олинган видео маҳоратли клипмейкер Тимур Примқулов томонидан тайёрланмоқда.
Тимур Примқуловнинг айтишича, бу Шоҳруҳхон илк ҳамкорлик иши бўлиб, хонанда билан ишлаш мушкул кечмаган, аксинча режиссёрнинг барча талабларига рози бўлган.
Клип бутунлай сюжет йўналишида бўлиб, унда мураккаб саҳналар ҳам бор. Буларнинг барчасини эса Шоҳруҳхоннинг ўзи бажарган.
Клипда компьютер графикасидан фойдаланиш мўлжалланган. Тимур Примқуловнинг айтишича, клип ғояси оригинал бўлиб, шу вақтгача ўзбек эстрадасида ҳали бундай клип яратилмаган.
Клип тайёр бўлиши билан сайтимиз орқали премьера қилинади. Бизни кузатишда давом этинг.