Озодбек Назарбековдан катта премъера - Мендирман

 

Ўзбекистон халқ артисти Озодбек Назарбеков бир неча кунлар олдин "Мендирман" қўшиғи учун тарихий видеоклип суратга олдирган эди. Ижтимоий тармоқларда видеолавҳалари тақдим этилганидаёқ кўплаб муҳокамаларга ва олқишларга сабаб бўлган бу видеоклипни мухлислар катта қизиқиш билан кутишди. Ниҳоят бу видео асар оммага намойиш этилди. Барчани бирдек лол қолдирган клип нафақат хонанданинг ижодида, балки, бугунги кунда яратилаётган видеоклиплар орасида алоҳида ўрин тутади. Унда ватанига муҳаббатли, халқига садоқатли султон, мислсиз жасорат эгаси, моҳир  саркарда Жалолиддин Мангуберди ҳаётидан ҳикоя қилинади.