Райҳон мухлисларини огоҳликка чорлади

Хабарингиз бор ҳар йилги анъанага мувофиқ феврал ойида эстрадамизнинг беқиёс юлдузи Райҳон навбатдаги яккахон концерт дастурини тақдим этади. Ҳозирги вақтда мазкур дастурга катта тайёргарлик олиб бораётган хонанда ўзининг инстаграм ижтимоий тармоғи орқали концерт дастурига қалбаки чипта сотилаётгани ҳақида маълум қилди. 

Райҳон барча мухлисларин огоҳликка чорлаган ҳолда, концерт чипталарини фақатгина “Истиқлол” санъат саройи кассаларидан ҳарид қилишни тавсия этди. Қадрли мухлислар концерт чипталарини сотиб олаётганда фирибгарларга алданиб қолманг ва эътиборлироқ бўлинг.