Улуғбек Исмаиловдан тез кунда клип премьераси

Маълум бир танаффусдан куч ва ғайрат олган истеъдодли хонанда Улуғбек Исмаилов "Хайр" деб номланган янги қўшиғини яқиндагина премьера этганди. Матни, мусиқаси ва аранжировкаси Бобур Умаровга тегишли бўлган мазкур таронага клипмейкер Рауф Набиев, ғояси хонанданинг ўзига тегишли бўлган  клип суратга олинди.

Айни кунда монтаж ишлари амалга оширилмоқда. Видеомаҳсулот нафақат трек йўналишида, балки унинг яратилишида компьютер графикасидан ҳам кенг фойдаланилган. Мана бугун ваъда қилинган видеоклипнинг тизери тақдим этилмоқда. Тез кунда тайёр маҳсулотни эътиборингизга ҳавола этамиз.