Янги йилнинг янги премьераси

Кулги инсонларнинг саломатлигини мустаҳкамлаб, умрини узайтиради. Ана шу кулгини бағишлайдиган комедия жанридаги навбатдаги фильм  томошабинлар эътиборига ҳавола этиляпти. Режиссёр Озод Шамснинг “Вой дод” деб номланган фильми қандай бошланади?

Йигит билан қиз бири бирини мажнунларча севиб қолади. Бир бири билан ахдлашиб турмуш қуриш ниятида бўлган дамда уларга нима тўсқинлик қилиши мумкин? Қиз отасининг йигитга қўйган шарти! Йигит оилада ёлғиз ўғил, қиз эса уч қиз фарзанднинг бири.  Қизнинг отаси йигит ичкуёв бўлсагина тўйга розилик беришини айтади. Аросатда қолган йигит  қандай йўл тутади? Севгилисига эришармикан?  Фильм нима учун “Вой дод” деб номланди? Ким кимнинг дастидан “Вой дод” -  дер экан? Барини 6 январда премеъраси бўлиб, 7 январдан кинотеатрларда намоиш этиладиган комедияни томоша қилиб билиб олишингиз мумкин.

Дарвоқе, фильм ижодкорлари: режиссёр Озод Шамс, сценарий муаллифи Саид Майрамов, оператор Дилшод Азимов. Бош ролларни Умид Соатов, Муҳаммад Исо Абдулҳаиров, Муқаддас Ҳолиқова,  Наргиза Салмонова  ва бошқалар ижро этганлар.