Отабек Муталхўжаевдан тез кунда янги қўшиқ ва клип

Баҳор айёми кўп ижодкорлар учун илҳом ва ижод палласидир. Хонанда Отабек Муталхўжаев баҳорий кайфиятда янги ижод намунасини мухлисларга тақдим этиш ниятида.
Хонанда ижросидаги "Қоши қаро" деб номланган тарона ва ушбу таронага ишланган клип тез кунларда премьера қилиниши кутилмоқда. Нодирбек Эгамбердиев мусиқасига Сардорбек Содиқов томонидан сайқал берилган "Қоши қаро" қўшиғининг клипи Туркиянинг Истанбул шаҳрида суратга олинмоқда.
Клипга истанбуллик қоши қаро қизлар таклиф этилди. Суратга олиш ишлари арафасида кастинг эълон қилинди. Ана шу кастингдан ўтган қиз клипда иштирок этди. Демак тез кунда Отабек Муталхўжаевдан баҳорий туҳфани кутиб қолинг.