Улуғбек Раҳматуллаев ва Муниса Ризаева "Чаканамас" қўшиғи учун видеоклип тасвирга олдирди

Ўзбекистонда хизмат кўрсатган артист Улуғбек Раҳматуллаев ва эстрадамиз юлдузи Муниса Ризаева "Чаканамас" номли дуэт куйлашгани халқимизга маълум. Аллақачон ўз тингловчиларини топиб улгурган мазкур қўшиқ учун хонандалар видеоклип тасвирга олдиришди. Клипмейкер Ҳабибулло Набиев режиссёрлигида тасвирга олинган клипнинг съёмка жараёнлари бир неча кун давом этди. Суратга олиш жараёнларидан тақдим қилинган фотосурат ва видеолавҳалардан шуни айтиш жоизки, яқин кунларда намойиш этиладиган мазкур ижод маҳсули халқимизни лол қолдириши шубҳасиз.