Тўлқин Жабборовнинг яккахон концерти ҳақида батафсил
29, 30 ноябрь кунлари "Халқлар дўстлиги" санъат саройида Ўзбекистонда хизмат кўрсатган артист Тўлқин Жабборов Ўзининг "Соғинганимга ишон" номли илк яккахон концерт дастурини тақдим қилди. Куни кеча бу дастур ҳақида қисқача маълумот берган эдик, бу эса батафсил тўхталиб ўтамиз.
Дастур 3 қисмдан иборат бўлиб, унда хонанда уч хил имиджда саҳнага чиқди. Концертда биринчи қисми "Хуш келдинг" таронаси билан бошланди. Навбати билан "Чора қилмас", "Нозингнан", "Галсин галсин", "Соғинтириб" қўшиқлари куйланди. Сўнг кутилмаган дуэтга навбат берилди. Бу қўшиқ "Кулишинг чиройли" деб номланган бўлиб, Уни Тўлқин Жабборов дуэтдоши Ўзбекистон халқ артисти Гулсанам Мамазоитова билан бирга ижро қилди ва биринчи қисм мазкур чиқишдан сўнг ниҳояланди. Хонанда иккинчи қисмга тайёргарлик кўргунга қадар қизиқчи Шукурилло Исроилов ўзининг ичакузди ҳангомалари билан томошабинларга аъло кайфият улашди.
Иккинчи қисмда устоз санъаткор Комилжон Отаниёзовнинг репертуарларидан бўлган "ЧЎпон" қўшиғи билан бошланди. Дастур "Ман ҳам гадо" таронаси билан давом этди. Хонанда нима учун устоз санъаткор репертуарларидаги қўшиқлардан бир жуфт куйлаганини сабабини айтиб, "Ота" ҳақидаги таронасини ижро қилди. Сўнг шўх қўшиқларга навбат берилди. "Қалам қош", "Лайло", "Ўшал дамлар" қўшиқлари иэжро этилди. Орада "Соғинганимга ишон" қўшиғи клипи билан бирга намойиш қилинди. Иккинчи қисм , бугуннинг долзарб мавзуси бўлган Орол муаммосига бағишланган қўшиқ билан якун топди. Қўшиқни Ўзбекистон халқ артисти Озодбек Назарбеков, Ўзбекистонда хизмат кўрсатган артистлар Яҳёбек Мўминов, Махсет Ўтемуродов, Тўлқин Жабборов бирга ижро қилишди.
Учинчи кисм бошлангунга қадар, Шукурилло Исроилов томошабинлар орасида танлов ўтказди ва ғолибга эталик совғаларини топширди.
Ичинчи қисм Шўх ва рақсбоп қўшиқлардан иборат бўлди. Унда "Ой гўзал", "Гулираъно", "Ойжамол", "Вотти вотти", "Моҳитабон", "Мафтуни сари" қўшиқлари кетма кет ижро қилинди. Сўнг саҳнага Тўлқин Жабборовнинг устозлари Раҳматжон Қурбонов чиқиб, шогирдоари билан бирга "Боқ боқ" қўшиғини куйлашди. Концерт "Лазги" билан якунланди.
