Устоз санъаткор Шерали Жўраевнинг яккахон концерт дастуридан фоторепортаж

Ўзбекистон халқ артисти, Алишер Навоий номидаги давлат мукофоти соҳиби, устоз санъаткор Шерали Жўраевнинг узоқ кутилган "Ўзбегим" номли жонли ижродаги яккахон концерт дастурларининг илк куни аъло даражада ўтди. Такрорланмас  дастурга санъатнинг асл шинавандаларини ташкил этган томошабинлар ташриф буюришди. Жонли ижродан мириқиб баҳра олган ҳар бир мухлис концерт давомида маънавий ҳордиқ чиқарди. Диллар яйради. Узоқ кутилган мазкур концертда устоз санъаткор билан бирга, уларнинг фарзандлари Шоҳжаҳон ва Зоҳиршоҳ Жўраевлар ҳам қатнашишди. Улар ҳам элимиз суйган, дилга яқин қўшиқлари  билан барчага яхши кайфият улашишди. Тўрт кун давом этадиган концертнинг қолган кунлари ҳам аъло даражада  ўтишига шубҳамиз йўқ. Ижодкорларга омад ва куч-ғайрат тилаб қоламиз.