Эстрадамизнинг энг гўзал жуфтлиги, бир неча йиллардан бери ўзининг ёрқин ижоди билан мухлислар эътиборида бўлиб келаётган Ойбек ва Нигорадан навбатдаги янги қўшиқ ва видеоклипни қарши олинг. Бугун "Ўзбегим таронаси" радиоси орқали премьера этилган "Ҳавотирдаман" номли тарона тез кунларда хит қўшиқлар қаторидан жой олса ажабмас. Зеро, унга ишланган видеоклип ҳам ўзига хос равишда яратилган. Таронанинг сўзини гуруҳ аъзоси Ойбек Алимов ёзган, мусиқасини Шерзод Мардиев басталаган, аранжировка ишларини Жамшид Жавҳаназаров амалга оширган.