Iste’dodli xonanda, Afruz guruhi solisti Jamshid Umarov muxlislariga navbatdagi ijod mahsulini taqdim etdi. “Meni sevgin” deb nomlangan yangi tarona tinglovchilar tomonidan iliq kutib olindi. Romantik ruhdagi ushbu musiqiy asar sevgi, vafo va samimiy tuyg‘ularni tarannum etadi.
Umid qilamizki, “Meni sevgin” qisqa fursatda tinglovchilar qalbidan munosib o‘rin egallaydi. Siz ham yangi taronani tinglab, o‘z bahoingizni bering!

 Yangi milliy teleserial “Sukunat” nihoyat tomoshabinlar bilan uchrashdi! Serial hali ekranga chiqmasidanoq ko’pchilikni e’tiborini tortgan edi. Ammo ilk qism namoyishidan keyin loyihaga bo’lgan qiziqish yanada oshdi. Ayniqsa, muxlislar Jamshid Babajanov bu safar qanday obraz bilan ekranlarga qaytishini intiqlik bilan kutishgandi. Va ilk qismdayoq bu savolga javob olishdi. Bir qator film va teleseriallarga rejissyorlik qilgan Durdona To‘laganovaning ushbu loyihasida bosh rollarni Ubaydulla Omon, Rano Shodiyeva, Rixsitilla Abdullayev va Jamshid Babajanov ijro etmoqda. Demak, “Sukunat” nomi sokin bo‘lsa-da, serialning o‘zi ancha shov-shuvli boshlanganga o‘xshaydi! Siz “Sukunat”ning ilk qismlarini ko‘rdingizmi? Fikrlaringizni izohlarda yozib qoldiring va obuna bo‘lishni unutmang!

Xushovoz xonanda Dilso‘z yangi taronasi bilan kuz mavsumini qarshi oldi. “Indallo” deb nomlangan ushbu qo‘shiq o‘ziga xos uslubi va sho‘x kayfiyati bilan tinglovchilar e’tiborini tortdi. Taronani tinglagan muxlislar esa bu uslub Dilso‘zga juda yarashganini ta’kidlashmoqda. Raqsbop, ko‘tarinki kayfiyat ulashuvchi ushbu musiqiy asar xonanda ijodidagi o‘ziga xos burilish bo‘ldi, desak adashmaymiz. Demak, kuz fasliga biroz raqs va yaxshi kayfiyat qo‘shmoqchi bo‘lsangiz, “Indallo” ayni muddao! Siz ham tinglab, o‘z baho bering.

Xonanda Umidaxon ham muxlislarini navbatdagi ijod mahsuli bilan xursand qildi. “Yonaman” deb nomlangan yangi tarona allaqachon o‘z tinglovchilarini topib, xonandaning repertuaridagi omadli qo‘shiqlardan biriga aylanmoqda. Muhabbatga to’la ushbu tarona, ayniqsa, yuragida sevgi olovi yonayotganlar uchun eng yaxshi musiqiy tanlov bo’la oladi. 

Kuzning yorqin taronasi bo’lgan “Yonaman” sizga ham manzur keladi, degan umiddamiz. Albatta tinglang va baho bering!

O‘zbek estradasining guli Nilufar Usmonova muxlislariga navbatdagi ijodiy yangilikni tayyorlamoqda. Xonanda kuni kecha ovoz yozish studiyasidan videolavha ulashib, bir nechta yangi qo‘shiqlar ustida ishlayotganini ma’lum qildi. E’tiborli jihati shundaki, studiyada xonanda Aziz Yuldashev ham ko‘rinish berdi. Bu esa muxlislar orasida yangi duet tarona taqdim etilishi mumkinligi haqidagi taxminlarni yanada kuchaytirdi. Hozircha ijodiy loyihalar tafsilotlari sir tutilmoqda. Demak, Nilufar Usmonovaning navbatdagi premyeralarini tez kunlarda kutib qolamiz.

Xonanda Dilso‘z muxlislarini navbatdagi ijod mahsuli bilan xursand qildi. “Telefon” deb nomlangan yangi tarona ommaga taqdim etildi. Ilk jarangidayoq tinglovchilar tomonidan iliq kutib olingan ushbu qo‘shiq serqirra ijodkor Hamdam Sobirov bilan hamkorlikda yozilgan.

Xonanda Yodgor Mirzajonov ham muxlislarini yangi ijod namunasi bilan quvontirishda davom etmoqda. 

Afruz guruhi solisti Jamshid Umarov muxlislariga yangi qo‘shig‘ini taqdim etdi. “Pari” deb nomlangan ushbu musiqiy asar serqirra ijodkor Shahboz Nosirjonov va Jasur Badalboyev bilan hamkorlikda yozilgan. 

Xalqimiz sevgan xonanda Yulduz Usmonova yangi ijod mahsulini taqdim etdi. “Pomada” deb nomlangan taronani primadonna iste’dodli shogirdi Malik bilan birga ijro qilgan. Ushbu qo’shiq qisqa fursat ichida xalqimiz orasida, ayniqsa yoshlar o’rtasida ommalashishga ulgurdi. Kayfiyatni ko’taradigan zamonaviy kompozitsiyani tinglab baho bering

Xonanda Jahongir Otajonov yirik firibgarlikning qurboniga aylandi.  Ma’lumotlarga ko‘ra, san’atkorni 2,3 milliard so‘mga aldab ketgan shaxs — uning talabalik davridan beri tanish bo‘lgan, ishonch bildirgan boshqa bir xonanda bo‘lgan. Jinoyat ishi materiallarida Lexus va BMW rusumli avtomobillar xaridi, uy sotib olish jarayoni, shuningdek, to‘y-marosimlardagi chiqishlardan olingan pullarni o‘zlashtirish bilan bog‘liq bir nechta holatlar qayd etilgan. Sud mazkur xonandani aybli deb topib, uni 8 yil ozodlikdan mahrum etish jazosiga hukm qildi. Jabrlanuvchi Jahongir Otajonov foydasiga yetkazilgan moddiy zarar — 2 milliard 337 million so‘m miqdoridagi summa undirilishi belgilangan.