Бунёдбек Саидовдан янги клип премьераси
Ёш ва истеъдоли хонанда Бунёдбек Саидовнинг бугунги кунга қадар ҳар бир яратган қўшиқлари мухлислар қалбидан муносиб жой олиб келмоқда. Хонанданинг кўп клиплари чет элда суратга олинганидан хабарингиз бор.Айни дамда премьера этилаётган клип ҳам дунёнинг энг гўзал давлатларидан бирида тасвирга олинган.
"Сан мани" деб номланган тарона учун Малайзияга йўл олган Бунёдбек Саидов бир йўла икки қўшиғи учун клип суратга олиб қайтди. Бунёдбек Саидовнинг ғояси асосида Ўктам Давлетов қўшиқ учун матн ёзган бўлиб, "Алихон" гуруҳи мусиқасини яратган. Клипни эса Жўрабек бошчилигида оператор Мурод Рўзметов тасвирга олган.
Клипнинг энг қизиқарли жиҳати шундаки, Малайзиянинг Куала-Лумпур шаҳри марказида Бунёдбек Саидов қўшиқ куйлаб, шаҳар аҳлини рақсга чорлайди. унинг атрофидаги созандалар эса айнан малайзияликлар экан.
"Сан мани" номли клипни томоша қилар экансиз, мусиқа на миллат танлайди ва на ирқларга ажратмаслигини яққол гувоҳи бўласиз. Ахир айтадилар-ку, ҳар қандай тарона кўнгилга яқин бўлса, унинг қайси тилда куйланганининг аҳамияти бўлмайди. Рақсбоп ва ранг-баранг тасвирларга бой видеоклипни томоша қилиб баҳра олинг.