Улуғбек Раҳматуллаевнинг нимага боши қотган?
Шу кунларда ўзининг навбатдаги яккахон концертига тинимсиз тайёргарлик олиб бораётган Улуғбек Раҳматуллаев куни кеча биз билан боғланиб, қийин масала ичида қолиб кетганлигини маълум қилди.
Хонандани ташвишга солаётган воқеа билан сизни ҳам бохабар этишга қарор қилдик. "Концерт дастуримга саноқли кунлар қолди", дея гап бошлаган Улуғбек Раҳматуллаев тинимсиз қўнғироқлардан чарчаганини ҳам қўшимча қилди. Хонанданинг ўзи ҳам бу даражада шов-шувли вазият юзага келишини кутмаганлигини билдирди. Бу борада Улуғбек Раҳматуллаевнинг маъмурини ҳам безовта қилишаётганлиги эса хонанданинг репитиция жараёнига бироз таъсир қилаётган экан.
Гап шундаки, ўтган ҳафтадан бошланган тинимсиз қўнғироқлар сабаби - "Истиқлол" санъат саройи кассасида Улуғбек Раҳматуллаевнинг яккахон концерт дастурига чипталар умуман қолмаганида! 
Кўплаб мухлислар хонанданинг маъмури билан боғланиб, чипта топиб беришини илтимос қилмоқда. Шу сабаб ҳам Улуғбек Раҳматуллаев сайтимиз орқали аслида чипталар сотуви масаласига умуман аралашмаслигини маълум қилмоқда.
"Мухлислар сони кўплиги албатта мени қувонтиради, улар яна бир кун концерт дасутри қўшилишини талаб қилишмоқда. Лекин яна бир кун қўшиш осон иш эмас, бундан ташқари, вақт жуда оз қолган. Аввалдан режалаштирганимизда эди, концертимни 3 кунга эмас, балки 4 кунга белгилаган бўлардим...", - дея ҳам афсус, ҳам қувонч билан ўз сўзини якунлаган хонанда келаси йили бу режасини амалга оширишга қарор қилганлигини маълум қилди.
Бу йил бўладиган концерт дастурида мухлисларни кўплаб туҳфалар кутаётганлиги ҳақида ҳам маълумотга эга бўлдик. Бу ҳақда кейинроқ албатта батафсил хабар берамиз. Бизни кузатишда давом этинг!