Шаҳзода, Dr. Costi ва Faydee триосидан рақсбоп тарона премьераси

Сана: 08.10.2014 3952 қайноқ

8-октябрь куни “Ўзбегим Таронаси” радиосида шоу-бизнесимизга янгилик бўлиб кириб келган янги таронанинг премьераси ўтказилди. 

 

 

Премьера қилинган “Ҳабиби” номли қўшиқ мафтункор ҳонандамиз Шаҳзода, руминиялик машҳур мусиқачи, продюсер Dr. Costi ва австралиялик маҳоратли хонанда, продюсер Faydee томонидан куйланган. Рус тилида куйланган бу таронанинг мусиқаси Dr.Costiга, матни эса Лаймонс Жюлпага тегишли.  

Аслида бу Dr.Costi томонидан яратилган катта халқаро лойиҳа “Ҳабиби” таронаси бўлиб, бу қўшиқни куйлаш учун Dr.Costi Шаҳзода ,Faydee ҳамда Shaggy ни таклиф қилди. Бу тарона рус ва инглиз тилида бир вақтнинг ўзида ёзиб тугатилганлигини алоҳида эътироф этиш зарур. 

Бу таронанинг инглиз тилидаги талқини 10 кун аввал мухлисларга тақдим этилган. Инглиз тилидаги талқинини Dr.Costi, Faydee ва Shaggy Mohombi биргаликда куйлашган. 

Шаҳзода, Dr. Costi ва Faydee томонидан “Ўзбегим Таронаси” радиоси орқали тақдим этилган “Ҳабиби” қўшиғи тингловчиларнинг олқишларига сазовор бўлди. Таронанинг рақсбоп ва ёқимли оҳанги кўплаб мухлисларнинг эътиборини тортган бўлса, ажаб эмас. 

“Ҳабиби” таронаси учун Грузияда клип суратга олингани ҳақида ҳам хабар бергандик. Видео ҳақида батафсил маълумотларни сайтимиз орқали кузатиб боринг. Клип эса тез кунларда эътиборингизга ҳавола этилади. 

Яна бир янгиликни айтиб ўтишимиз лозимки, Dr.Costi ўзининг кейинги катта лойиҳасини Шаҳзода ва Shaggy билан ҳамкорликда яратишини маълум қилди.  

Манзил:

Маъмурият билан алоқа

Сайт маълумотларидан тўлиқ ёки қисман фойдаланилганда, манба кўрсатилиши шарт.

Алоқа:

e-mail:info@popcorn.uz

Stop 00:00:00 Vol