Сарвар ва Комил Бухоро шахри бўйлаб яккахон гала концертини ўтказиб қайтдишди

Шоу-бизнес оламида ўзига яраша мавқега, ўз аудиоториясига эга «Беном» гурухи ижодкорлари Сарвар ва Комил 8 сентябрь куни Бухоро шаҳрининг «Бухоро» стадиони бўйлаб катта яккахон гала концертини ўтказиб қайтишди. Стадион лиқ тўла одам, аншлаг.

Гурух ижодкорларининг айтишларича йиғилган мухлислар концерт охирлаётганини сезиб йигитлардан яна 1 соат концертни чузишларини ва куйланган қўшиқларни яна қайта куйлаб беришларини илтимос қилишган. Ўтказилган тадбирнинг яна бир алоҳида жихати бор у ҳам бўлса ижодкорлар томонидан муҳлислар учун кутилмаган сюрпризлар. Сюрприз бу янги қўшиқлари бўлса керак деб ўйлаётган бўлсангиз адашасиз.

Гурух йигитлари имкони борича тадбирга ташриф буюрганларни ҳурсанд қилиш истагида концерт давомида лоторея ютуқ ўйинларини ўтказиб ютуқ эгаси бўлган мухлисларга телевизор, кир ювиш машинаси, мобил телефонлар, чанг ютгич ва шунга ўхшаш кўплаб совғаларни тақдим этишди. Бухоро ахли бўлиб ўтган катта байрам учун «Беном» гурухи йигитлари Сарвар ва Комилга ўз ташаккурларини билдиришди.