2013 йилнинг энг зур клиплар ТОП 5 талиги
Йил якунланиши арафасида, албатта, барча соҳаларда йил сарҳисоби келтирилади. Биз ҳам 2013-йилнинг энг яхши клиплари Top-5 талигини эътиборингизга ҳавола этамиз.
Айтиш керакки, ушбу рейтингни тузишда YouTube интернет видеохостинг хизматидан олинган маълумотлардан фойдаландик. Энг кўп томоша қилинган клиплар адолатли равишда Топ -5 талигимиздан жой олди.
YouTube интернет видеохостинг хизматини кўриб чиқиб, рейтингимизнинг 5-поғонасини Муниса Ризаева ва Ботир Қодиров ижросидаги “Дема дема” қўшиғига суратга олинган видеоклип эгаллашига ишонч ҳосил қилдик. Қарангки, мазкур клипни олти ой давомида 420 мингдан зиёд томошабинлар кўриб чиққанлар.
Топ – 5 талигимизнинг 4 - ўрнида Шоҳжаҳон Жўраев ижросидаги “Яйра” қўшиғининг клипидир. Маълумотларга кўра, хонанданинг ижод самарасини 6 ой давомида 550 мингдан ортиқ муҳлислар томоша қилганлар.
3-ўринни “Божалар” гуруҳининг “Баҳору ёзда” таронасига ишланган клип эгаллайди. Эстрадамизнинг қувноқ юлдузининг ғояси ва...кўпроқ юз ифодаси тасвирланган клипни 7 ойда 570 мингдан зиёд томшабинлар кўриб чиққанлар.
2-ўрин Улуғбек Раҳматуллаевнинг “Соғиниб” қўшиғининг клипига насиб этди. Сиғинч оҳангларию тасвирини ўз ичига олган ушбу клип 6 ой давомида 1 миллион 50 мингдан ортиқ муҳлислар эътиборини тортган.
Ниҳоят 1-ўрин! Топ 5 талигимизнинг юқори ўрнини 5 ой ичида 1 млн. 250 мингдан ортиқ фойдаланувчилар томоша қилган мафтункор Шаҳзоданинг “Чикко” қўшиғига ишланган клипи жой олган. Соф туйғулар, чексиз бахт ифодаланган мазкур клипнинг муҳлислари кўплигидан бошимиз кўкка етди!