Райхондан узоқ кутилган клип премьераси
Кўплаб юрак қалбларни забт этган эстрадамизнинг гўзал вакилаларидан бири Райхон бугун ўзининг янги видеоклипини сайтимиз орқали тақдим этмоқда.
“Не бўлар?” номли таронасига ишланган видеоклипнинг қизиқарли ғояси Райхон ҳамда режиссёр Давлат Арабшоевга тегишли. Кўп сонли иштирокчилар қатнашган видео ҳаёт завқини тараннум этади.
Ўз ўрнида моҳирона қўлланилган компьютер графиклари эса клипга ўзгача руҳ бағишлаганлигини видеони томоша қилгач, ўзингиз ҳам амин бўласиз.
Шўх ва рақсбоп йўналишдаги таронага ишланган видеоклип жўшқинлик баҳш этса, ажаб эмас. 
Бугунги кунда бу тарона кўплаб мухлисларнинг талабига сабаб бўлаётгани сир эмас. Шундай экан, унга ишланган видео ҳам оммалашишига умид қилиш мумкин.
Ўзига хос флешмоб уюштирган Райхондан янги видеоклипни томоша қилиб, унга муносиб баҳо беринг!