Али Отажонов илк марта хоразмча куйлади

Серқирра ижодкор Али Отажонов янги таронаси учун видеоклип тасвирга олдиргани ҳақида хабар берган эдик. "Нинай нинай" деб номланган мазкур қўшиқ бир неча кун олдин радиотўлқинлар орқали тақдим этилиб, мухлислар томонидан илиқ кутиб олингани барчага маълум. Хонанда томонидан куйланган илк хоразмча қўшиқнинг видеоклипи ҳам ниҳоят намойиш этилди. Тарона ва клип ҳақида тўхталадиган бўлсак, қўшиқ номининг маъноси Хоразмчада эркалаб айтиладиган сўзлар сирасига киради. Композициянинг сўзи ва мусиқаси Алишер Шайдо томонидан ёзилган. Мусиқий безакчи Бекзод Айтбаев. Мазкур тарона учун уч кун мобайнида клипмейкер Суннат Номозов ҳамда "Омад медиа" ҳамкорлигида, Хивада, Туркманобод номли манзилда видеоклип тасвирга туширилган. Такрорланмас сюжетни ўз ичига олган ушбу видео асар томошабинларни бефарқ қолдирмайди деб умид қиламиз. Томоша қилинг ва ўз мулоҳазаларингизни билдиринг.