Тарона шоу янги йил галаконцерти бўлиб ўтди
23, 24 декабрь кунлари "Халқлар Дўстлиги" санъат саройида сиз кутган янги йилга бағишланган "Тарона шоу" галаконцерти бўлиб ўтди. Концертда сиз севган хонандалар йил давомидаги хит тароналарини ижро этишди. Бу эса мухлисларга байрaмона тухфа бўла олди, десак янглишмаймиз.
Концерт дастурида "Шодиёна" болалар рақс дастаси чиқиш қилишди. Сўнгра бошловчилар Раъно Алимова ҳамда Дилмурод Ғуломовлар дастурни очиқ дея эълон қилишди.
Ёрқин юлдузлардан бири латофатли хонанда Райхон ўзининг "Алда" таронаси билан бошлаб берди. Сўнгра истеъдодли хонандалар Жамшид Давлетов, Хадича, Дилобар Умарова, Ямин, Фарход Саидзод, Саира, Элмурод Зиёев, Сардор Бекмуродов, Севаралар ўзининг хит таронаси билан иштирок этиб, янги йил билан тингловчиларни қутлашди.
Сўнг эстрадамизнинг ёрқин юлдузларимизга гал беришди. Улардан Шахзода, Шохруххон, Муниса Ризаева, Нилуфар Усмонова, Манзура, Улуғбек Рахматуллаев, Афруз Милена Мусаева, Зиёда, Беном, Умидахон, Виа Мароканд, Азиза Низамова, Жасур Мавлоновлар хит тароналари билан чиқиш қилишди.
Концерт давомида кўплаб қизиқарли воқеалар ҳам юз берди. Улар орасида Улуғбек Раҳматуллаев мухлислари билан қилган мулоқоти давомида барчага аъло кайфият улашди. Мухлислари билан саҳнада туриб селфини амалга оширди. Азиза Низамова эса қўшиқ айтиб бўлгач бошловчилар илтимосига биноан Жингл бенс ни жонли ижрода хиргоя қилиб берди.
Ҳа айтганча Қорбобо образида чиққан Дилшодбек Каттабеков махсус совға уйнади. Шартга кўра қўлидаги кўптокни ким илиб олса, ўша инсон 2020 йилда Тарона рекордс томонидан уюштирилган барча концертларга 1 йил давомида бепул кириш шартномасини қўлга киритади. Саҳнадаги бу ўйин ҳам барчага аъло кайфият улашди.
