Дилмурод Султонов ижодида нима гап?

Хабарингиз бор, хонанда Дилмурод Султонов Мустақиллигимиз арафасида "Шуҳрат" медали билан тақдирланган эди. Қолаверса, унинг сўнгги "Шоколадим" номли қўшиғи ҳам мухлислар томонидан илиқ кутиб олинди. Бундан илҳомланган Дилмурод Султонов янада катта шижоат билан ижод қилишга киришди. У "Анор 2 " композицияси учун янги клип суратга олиш ишларини бошлаб юборгани ҳақида хабар берди. Ҳозирда клип ғояси ва тасвирга тушириш ишлари устида тайёргарлик олиб борилмоқда. Хонанданинг репертуаридан яна бир янги қўшиқ шу кунларда ўрин олади. Янги ёзилаётган қўшиқ учун у Бобораҳим Машраб ижодига мурожаат қилган ва бу мусиқий асар халқимизга ёқишига катта умид боғлаган.