Уммон гуруҳи қайта тикландими?

Бир неча кун олдин Уммон гуруҳининг солисти Шохрух ижтимоий тармоқлар орқали Уммон гуруҳига оид видеолавҳа жойлаштириб, ёзган изоҳи билан кўпчиликни диққатини тортган эди. Унинг " Биз томчидан Уммонга айландик ва шу Уммонни асраб қоламиз! Тез кунда" деб ёзган изоҳдаги сўнгги сўзлари гуруҳнинг тикланганлиги ҳақида гап сўзларни кўпайтирди. Биз бу хабар қанчалик тўғри эканини билиш учун Шохрух билан боғландик. "Шу савол билан жуда кўпчилик мурожаат қилмоқда. Лекин ҳали Уммон гуруҳи тикланмади. Бу борада янгилик бўлса, албатта Popcorn Uz орқали биринчилардан бўлиб мухлисларимизни хабардор этамиз" дея кўпчиликни қийнаган саволга жавоб берди.