Тез кунда Юлдуз Турдиевадан "Салламно"

Ўзбекистонда хизмат кўрсатган артист Юлдуз Турдиева яқиндагина "Севги" таронасига ишланган клипи билан мухлисларини хурсанд қилган эди. Айни дамда эса яна бир қатор янги  қўшиқлар устида иш олиб бормоқда. Ана шундай ижод маҳсулларидан бири "Салламно" деб номланади. Мусиқий асар Шаҳбоз Носиржонов ва Жасур Бадалбоев билан ҳамкорликда яратилмоқда. Бу ҳали ҳаммаси эмас. Хонанда "Мени унут", "Севги" қўшиқларининг клипининг давоми яъни якуний қисми борасида ҳам тайёргарликлар кўрмоқда. Шунингдек, куз фаслида Юлдуз Турдиеванинг Франция давлатида янги концерт дастури бўлиб ўтиши ҳам режалаштирилган.