Дилсўз Рамазон ойига бағишлаб дуэт куйлади

"Ниҳол" мукофоти совриндори Дилсўз яқиндагина "Келмадинг" номли видеоклипини тақдим қилган эди. Шунга қарамай у аллақачон навбатдаги ижод маҳсулига қўл урди.  Хонанда серқирра ижодкор Баҳодир Низомов билан бирга дуэт куйлади. Тарона Рамазон ойига бағишланган. Номи ҳам "Гўзал Рамазон". Мусиқий асарнинг муаллифи Баҳодир Низомов ва Умид Обидов. Ижодкорлар мазкур дуэтга видеоклип ҳам тасвирга олдиришга улгуришди. Жамшид Исахўжаев режиссёрлигида яратилаётган клип Рамазон ойининг илк кунларида намойиш этилиши режалаштирилган.