Бунёдбек Саидовдан узоқ кутилган видеопремьера

Бир неча кун олдин "Халқлар дўстлиги" санъат саройида "Орзулар орасида" номли яккахон концерт дастурини намойиш қилган хонанда Бунёдбек Саидов мухлислари узоқ кутган янги клипини премьера қилди. Бу клип "Нозлари алдади" номли таронаси учун яратилган бўлиб, у машхур "Чуқур" сериали суратга олинган маконда ва кўчаларда тасвирга туширилган. Ҳали оммага тақдим қилинмасиданоқ томошабинларни қизиқтириб қўйган бу клипни эндиликда тмооша қилиш имконига эгасиз. Али Шайдо сўзи ва мусиқаси, Шохназар Сапаев аранжировкаси билан яратилган бу қўшиқ клипига, Бурак Гечер режиссёрлик қилди. Тасвирчилар Алишер Исаков ва Олимжон Салимов.