"101 рейс" фильмининг суратга олиш ишлари давом этмоқда

"ЎЗБЕККИНО" МИЛЛИЙ АГЕНТЛИГИ буюртмасига биноан Акром Шахназаров ҳамда продюсер Равшан Норбоев томонидан яратилаётган " 101 рейс" фильмининг суратга олиш ишлари қизғин давом этмоқда. Унда актёр ва актрисалар бутунлай ўзгача ва кутилмаган образларда намоён бўлишади. Фильмда Лола Элтоева, Баҳора Арслонова, Нигина Анарбаева, Ҳошим Арлонов, Самиддин Лутфуллаев ва бошқа актёр ва актрисалар иштирок этмоқда.
“101-рейс” бадиий филми реал воқеага асосланган бўлиб, унда 2001-йил АҚШнинг Ню-Йорк шаҳрида содир этилган террорчилик ҳаракати оқибатида Шимолий Америка ҳаво ҳудудида қийин вазиятда қолган – бортида 180 нафар йўловчи бўлган “Ўзбекистон ҳаво йўллари” авиакомпаниясига қарашли Боеинг-757 самолётининг 101-рейс экипажи кўрсатган жасорат ҳақида ҳикоя қилинади. Филм Эркин Аъзам бадиий раҳбарлигида суратга олинмоқда.