"АЁЛ БОРКИ, ОЛАМ МУНАВВАР" номли галаконцерт бўлиб ўтди

3 март куни "Халқлар дўстлиги" санъат саройида 8 март - халқаро хотин-қизлар байрами куни муносабати билан "Аёл борки, олам мунаввар" номли галаконцерт ўтказилди. Икки сеансда бўлиб ўтган дастур ташриф буюрган мухлисларга байрамона кайфият улашди. Концертда халқимиз севган хонандалар иштирок этишди. Жумладан, Ғуломжон Ёқубов, Ғиёс Бойтоев, Равшан Комилов, Улуғбек Раҳматуллаев, Муниса Ризаева, Баҳром Назаров, Жасур Умиров, Умидахон, Жасур Мавлонов, Фаррух Комилов, Беном гуруҳи ва бошқалар қатнашишди. Хонандалар бир жуфт тароналари орқали барча мунис аёлларни, яқинлашиб қолган айём билан қутлашди.
Эслатиб ўтамиз, мазкур концерт дастури 8 март куни ҳам ўтказилиши режалаштирилган.