“АВТО САРГУЗАШТЛАР” НОМЛИ МУЛЬТИПЛИКАЦИОН ФИЛЬМЛАР ТАҚДИМОТ МАРОСИМИ ЎТКАЗИЛДИ.

“Ўзбеккино” Миллий агентлиги буюртмасига биноан Алишер Навоий номидаги киносаройда постановкачи режиссёр Абдулатиф Ҳайдаров бошчилигида  “Авто саргузаштлар” номли  3D  анимацион фильмлар тақдимоти ўтказилди.
Фильмда барчамизга таниш бўлган ўзбек автомобиллари мультқаҳрамонлар қиёфасида намоён бўлди ва киносаройга ташриф буюрган  болажонларни хушнуд этди. Мультфильм қаҳрамонларининг қиёфаси иллюстратор, мультфильмнинг саҳналаштирувчи рассоми Зилола Ҳамидова томонидан яратилган. Эслатиб ўтамиз, ушбу мультфильмни кўриш нафақат кичкинтой томошабинлар учун, балки уларнинг ота оналарига ҳам тавсия этилади.