Юлдуз Турдиева янги қўшиғини тақдим қилди

Ўзбекистонда хизмат кўрсатган артист Юлдуз Турдиева янги қўшиқ ёзгани ҳақида хабар берган эдик. "Қайғуларим кет" деб номланган ушбу тарона халқимиз ҳукмига ҳавола қилинди ва мухлислар томонидан илиқ кутиб олинди. Бу композиция хонанданинг репертуаридаги қўшиқлардан буткул фарқ қилади. Мухлислар учун кутилмаган совға бўлган бу мусиқий асар серқирра ижодкорлар Сарвар ва Комил билан ҳамкорликда ёзилган. Хонанданинг берган маълумотига қараганда, "Қайғуларим кет" таронаси учун видеоклип суратга олиш режалаштирилган. Тез кунда тасвирга тушириш ишлари бошлаб юборилиши кўзда тутилган.