Тўлқин Жабборовнинг яккахон концертининг илк кунидан
29 ноябрь куни Ўзбекистонда хизмат кўрсатган артист Тўлқин Жабборовнинг "Халқлар дўстлиги" санъат саройида "Соғинганимга ишон" номли концерт дастурининг биринчи куни бўлиб ўтди. Илк концерт бўлишига қарамай, дастур юқори кайфиятда ўтди. Хонанда мухлислари билан дийдорни қай даражада соғинганини ушбу концерт давомида билдирди. Дилга яқин қўшиқлар, кутилмаган дуэтлар, устозлари билан бирга ёзилган ва куйланган қўшиқ, ажойиб рақслар барчаси мазкур концертда мужассамлашган. Хонанданинг қўшиқларидан бири томошабинларни рақсга чорласа, бири ўйга солади. Концерт давомида мухлислар ҳам кулишди, ҳам йиғлашди. Тўлқин Жабборовнинг концерт дастурининг илк куни мувофаққиятли ўтгани билан табриклаймиз ва иккинчи куни ҳам кўтаринки руҳда ўтишини тилаймиз. Концерт ҳақида батафсил кейинги янгиликларимизда маълумот берамиз.
