Лола Аҳмедовадан янги клип премьераси

Лола Аҳмедова томонидан сайтимиз орқали тақдим этилаётган янги видеоклипда хонанда мутлақо янгича образда намоён бўлган. 

"Унутолмадим" номли таронага ишланган видео одатдаги клиплардан фарқ қилади. Клип ҳам сюжет, ҳам трек йўналишида тайёрланган.

Жасур Шаметов томонидан суратга олинган кадрларга компьютер ва графика устаси Шавкат Эгамбердиев томонидан қўлланилган турли ҳил эффектлар клипнинг таъсирчанлигини янада оширишга хизмат қилган.

Видеони томоша қилсангиз, бунга ўзингиз ҳам гувоҳи бўласиз. Юқори сифатда тайёрланган клипда Лола Аҳмедова кўриниши ҳам мухлисларга кутилмаган туҳфа бўлиши мумкин. Сабаби видеодаги образ Лола Аҳмедова учун янгилик. Клипни томоша қилгач, образ сизга ҳам маъқул келиши аниқ.

Умуман, клипнинг сюжети ҳам қизиқарли бўлиб, охирига қадар томошабин диққатини ушлаб тура олади. Бир сўз билан айтганда, клипни томоша қилишни тавсия этамиз.