Тез кунда Каниза ва Элвин Мирзезадедан иккинчи дуэт

Хонанда Каниза навбатдаги дуэт устида иш олиб бораётгани, бироқ дуэтдоши, қўшиқ ҳақидаги маълумотларни сир тутаётгани ҳақида аввалги янгиликларимизда айтиб ўтган эдик. Куни кеча у мазкур дуэт тарона учун видеоклип суратга олдирди ва бевосита съёмка жараёнида барча сирлар ошкор қилинди. Каниза Озарбайжонлик ҳамкасби Элвин Мирзезаде билан иккинчи маротаба дуэт куйлади. Мусиқий асар "Ҳасрат ўлдирар мани" деб номланади. Композициянинг сўзи ва мусиқаси Ферид Фетуллаев томонидан яратилган. Қўшиқ учун видеоклип Муслимбек Ризо режиссёрлигида тасвирга олинди. Тасвирчи Абдувоҳид Ражабов. Стилист ва визажистлар Рамуза Аҳмудова ҳамда Диана Якушева. Клип асосан трек асосида бўлиб, қисқа лаҳзаларда қўшиқ сўзларига мос кичик сюжетлар ҳам суратга олинди. Хонандалар унда  бир нечта образларда намоён бўлишади.